1ª xornada de salmón no Eo a troitas

Estaban alí. Sabiámolo, intuiamolos, pero non quixeron colaborar.
A cuadrilla pescou hoxe o couto da Volta, có nivel de augas existente, obxectivamente , posiblemente o mellor couto do Eo.
E iso que o mellor dos mellores, o gancheiro Pepe Molejón, acompañounos pola tarde para repartir maxisterio e corrixir erros.
Pero o río non os quixo dar.
Son seus e regálaos a que el quere e cando quere tamén.
E finalmente acabamos pescando troitas (poucas) para resarcirnos.

A verdade é que como di o vellos chiste vasco, se se está a salmón, salmón e se a Rolex, Rolex, e as capturas voltaron todas ás augas

Pero a cuadrilla non perde o humor nen as gañas de sorrir nin de contar contos ó chegar o cuartel xeral en Amaido

Mañá, as Barcas. Mellor e mais.

XVIII TROFEO CIDADE DE NARON DE PESCA

Coma tódolos anos imos organizar este ano o XVIII TROFEO CIDADE DE NARON DE PESCA , a súa fecha de celebración vai ser ó igual que en edicións anteriores o día 17 de Maio , Día das Letras Galegas , no entorno do couto que esta sociedade xestiona xunto có Servizo de Conservación da Natureza da Consellería de Medio Ambiente : O couto troiteiro de Xubia .

Puntuarán únicamente troita e reo, sendo o cebo de libre elección para o participante.

Sinalar que dentro destas actividades de xestión que se levan a cabo ó longo do ano e que realizan socios da sociedade encóntranse as de limpeza de marxes , eliminación de lixo do cauce e restauración de graveiras de freza

PROGRAMA:

• 7:30 Concentración no bar aOs Rubios (A Mourela-Neda)
• 9:00 Inicio da proba
• 13:45 Entrega de capturas e pesaxe na Area recreativa municipal de Pedroso

Por último anotar que a actividade rematará cunha comida de confraternidade que terá lugar no restaurante A Trasanquesa en Sedes (Narón) a apartir das 15:00 h.

Recórdase a tódolos pescadores da comarca a posibilidade de inscribirse coma participante , posto que o concurso ten carácter aberto por estar patrocinado polo Padroado de Deportes do Concello de Narón.

En ámbolos dous casos , rogamos que se poñan en contacto con nós o antes posible para tramitar a súa inscrición , que coma todos os anos será preferente para os socios, aínda que aberta ó resto de pescantíns .

Recordamos que o horario de oficina é de 20.00 a 21.00 h. Os venres ; o noso tel-fax é 981 387809 ou mediante o correo electrónico arrotreba1@terra.es

Tamén se pode contactar coa organización do concurso nos tel mobiles:

615055041 e 618766262

Eloi Savedra en Trofeo Pesca

Levaba case 8 días esperando e preguntando cando recibían na libraría onde compro pola revista Trofeo Pesca, e non daba chegado e me reconcomían os nervos.
Pois iso que a revista Trofeo Pesca tivo a ben no número de este mes de Maio en incluirme na sección de Grandes Montadores.
Podedes ver o reportaxe nas páxinas 48-49.
Logo das fotos tan ben tiradas de Alberto Nevado, profesional como a copa dun pino, e có que foi un placer traballar, e o panegírico do meu gran amigo Miguel Piñeiro, case parezo un montador dos de verdade.
Póñovos unhas fotos da revista (non son escaneos) para que vexades o ben que me deixaron estes dous profesionais.
O seu claro está en que compredes a revista.

FEIRA INCOART EN BERGONDO. TALLER DE MONTAXE

 

O día 12  estaremos en Bergondo no stand de Cousas i Cousos na Feira Incoart con Oscar , Julio, Santi e Josiño.

Se garantiza argallada e risas.

Eu estarei ata o mediodía porque para a hora do vermú terei que estar velis nolis en Pedroso á mediodía para a sesión vermú, que estou de patrón. Grande Romería de Virxe da O.

Miguel Piñeiro pregoeiro na Pontenova

Pois iso, que ó amigo Miguel Piñeiro o escolleron como pregoeiro da Festa da troita da Pontenova impóndolle tamen a Troita de Ouro.

 Eiquí o tendes procedendo a repartir literatura ante un ben numeroso público.


Que ano meu ¡¡¡
Pontenova, A Estrada, estoupando o EGM ...
Soamente che falta un salmón para completar e xa te canonizamos.

Que non pare a música¡¡

Xornada con Marc Petitjean

O día 30 de Maio foi unha desas xornadas que merecen a pena.
O mestre Marc Petitjean visitou Galiza da man de Rodhani e en calidade de mestre de ceremonias Raul Soria o propietario da franquicia.
A miña perspectiva ante tal visita era simplemente visitar a demostración de montaxes programada para a tenda de Coruña e aprender da man do mestre de mestres de montaxe de CDC algunhas cousiñas útiles.
Pero as cousas cambiaron súbitamente o día anterior.
Chama o amigo Piñeiro e di que lle teño que facer un favor. Me di que teño que levar a alguén a pescar. Para min que un amigo me chame para decirme que acompañe a un amigo seu de pesca non é obriga senon alegría. Pero esta alegría convirteuse en xúbilo cando me di o nome do pescador do que temos que facer de gancheiros.
Cando chamo ó Santi este tampouco o cree.
Imos levar a Marc Petitjean a pescar muxos a Lires ¡¡¡
Finalmente e a pesar da marea algo alta, que nos vai obrigar  a pescar do lado das Pedra Miudas (para min o lado menos bó da ría para esta pesca), quedamos con toda a ilusión do mundo en Lires.
Tamén se une o amigo Marcelo de Baio , que fai un kit-kat no seu traballo para vir a axudarnos e fotografarnos.
E estas son  as imaxes da xornada.

Inicio da xornada e intercambio de moscas

Marc e Raul en primeiro plano

Marcelo cós nosos invitados

Panorámica dos pescadores na ría

A imitación de Marc, que tanto rendeu na xornada

Comentar que os muxos, ainda que non tiñan o día para pescalos debaixo da superficie, si espabilaron na tona da auga.
Tanto Raul como Marc colleron un bó número de pezas e creo que o pasaron razoablemente ben e sentiron queixarse o corcho das súas canas de línea 4, claramente insuficientes para os abalorios que en Lires hai.
A mestría de Marc veuse na  súas capacidade de adapatación, dando cunha mosca de cú de parrulo que funcionou perfectamente cós muxes en superficie. E que ó fin, un mestre, é un mestre en toda circunstancia.

Pola tarde e logo dun xantar de amigos, xornada de montaxe.
Os que me coñecen saben que nin monto, nin me gustan as moscas en CDC, material ó que lle vexo uns problemas de secado e limpeza, que para o meu gusto o invalidan bastante, a pesar que recoñezo que ten unhas características de presentación e imitación de emerxencias insuperanble.
O caso é que  das lección  maxistral do mestre Marc saquei varias conclusións interesantes, tanto para montar esas moscas noutros materiais (na miña querida lebre ártica), como para facerme dubidar en montar algunha imitación en cú de parrulo.
Ensinounos como limpar as moscas, que cantidade de pluma hai que pór para que non se afoguen, proporcionalidade de emerxentes. En fin, duas hoas  a mar de aproveitadas, para canto mais entre amigos.

Vista da demsotración na tenda Rodhani Coruña

Un trico de corzo e CDC

The famous Barón Rojo

Ademais de todo isto explicou como monta el os streamers, coñecemento que era o que principalmente esperaba adquirir de este curso, e como se tunean as Magic Heads nos mesmos.

En resume unha xornada completa, completa. E da man dun home que sabe, que comparte o que sabe, e o mais difícil nos tempos que corren, cheiños de falsos becerros de ouro, humilde e bó comunicador. Pena de non saber francés para collerlle as cousas á primeira, iso sen menoscabo da fantástica labor de traducción simultánea de Raul.

Graciñas por todo Marc e que saibas que en Galiza eres benvido sempre que queiras vir a pescar a este Finisterrae.

O principe pobre. Xornada de muxes en Lires

Hoxe pola mañá no reunimos un grupo de amigos na Ría de Lires para pescar.
A quedada a organizaron entre o Santi Nitas e Luis Merayo dende os seus respectivos blogs.
A ría de Lires está na desembocadura do río Castro e fai a fronteira entre Muxía e Cee.
É unha desas pérolas que Galiza garda para uns poucos que por uns ou outros motivos temos a sorte de coñecer ben a Costa da Morte.

Saída da ría de Lires na  praia de Nemiña

Outra vista da boca da ría

Pena que a mole da piscifactoría que o Grupo Tres Mares se ocupara de impór o feismo neste pequeno tesouro. Un entende que son cousas que se fixeron nos anos 60, pero cabrea que un entorno así teña esta penitencia. A penitencia exténdese ó río Castro, que dende a construcción da presa (sen escala regulamentaria) veu como os migradores teñen impedido o remonte de forma total. Esperemos que este feismo da explotación económica non se extenda na Costa da Morte por actuacións mal planificadas e que sitios como o coido de Touriñán non teñan que pagar o ''prezo do progreso''. Esse famoso progreso dalgúns desarrollistas anclado no S XIX.
Ó lío. 9:00, café en Lires povo e saida cara a zona de pesca.
Optamos por motivos de seguridades dos nenos que veñen no grupo, por pescar a ría polo lado do Norte, no punto onde desemboca o Castro, pero tendo o desaugue da piscifactoría de Tres Mares a tiro, pois sabemos que nesa zona están os grandes trofeos.

En canto nos puñemos a pescar comenza a actividade. A marea está baixa e aínda así hai actividade.
Os munxes van entrado ás moscas de imitación de pan.

Cardume de muxes na ría

Emilio gañando unha das partidas

A pesar da súa contrastada actividade, renego desta mosca pois traio outros plans. A miña idea é evaluar unha serie de novas moscas de muxe que teño idea de usar no Lago da Frouxeira para cando os torpedos de prata comencen a comer. Pero isto terá que esperar ata Xullo polo menos e que a canle peche.
Montadas en anzois Hanak do 12 son unhas pequenas ninfas montadas con rocalla de contas de vidrio con dubbing de material brillante. Levo tres coores básicos: Blanco, roxo e verde.

A famosa baetis forneira

Funcionan á perfección pero especialmente a montada con contas transparentes e con lá natural de ovella. Quizais polo seu parecido cun pequeno isópodo ou  unha pulga de mar.
Cando chega o mediodía a cousa está que arde. As picadas sucédense e todo o  mundo ten picadas arreo.
En algún momento se chegan a ver tres muxes enganchados á vez.

Clavada múltiple

Os tres pescadores anteriores voltando ás súas capturas á auga

Tamén vemos varias roturas de baixo e algunha carreira espectacular como a dunha peza que lle saca uns 40 mts de backing a Santi, que   por certo tiña un equipo liña 7-8. Para recordar ....

Algún peixeo puxo ó límite os equipos do #6

Logo de catro horas deixamos o escenario de pesca, cós brazos doloridos, pero contentos das pelexas e as capturas, aínda que todas voltaran á ría.

Pili voltando dous bós mozos ó seu medio

 Por certo tamén se colleu unha troita por desgraza era unha arcoiris das que fuxen da planta de acuicultura. Reseñar que estaba esguinando e xa presentaba librea plateada.

A invasora capturada

Logo dun xantar bárbaro en Casa Valentín na Pereira, onde nos trataron como príncipes e pagamos como currantes, toca retirada.Quedaremos en Xullo no Lago de Valdoviño, sen dúbida.

Finalmente só me queda facer unha reflexión.
Porque un peixe tan deportivo, que pode facer arrancadas que che saquen 20 mts de backing, que rompe terminales de 0,20 con soamente un par de kg, se pode considerar un peixe lixo por moitos pescadores e aínda mais por algún mosqueiro?
Somos pescadores ou pescadeiros?
A pesar de decir que somos pescadores recreativos e outros moitos deportivos, como podemos desprezar a este Principe das Mareas? Quizais porque non ten unha carne tan ''fina'' como as troitas?
Cada vez estou mais seguro que non todo neste mundo da pesca é trigo limpo, e que moita xente que se dí deportiva ou recreativa, non deixan de pensar en carne. Aínda que ceiben todas as súas capturas.
Un adversario da categoría do Principe das Mareas non merece este desprezo